誇張過打機嘅毒犯報復 墨西哥政府宣布全國進入紅色緊急狀態，同時美國政府呼籲响當地嘅國民要匿埋响安全地方，因為墨西哥（或者係全南美）最有勢力嘅犯毒集團CJNG星期日開始進行報復行動，已經「控制」全國六個州，襲擊警察同軍隊、阻塞主要道路、攻入兩個國際機場、火燒商場油站，下一步可能會傷害平民。 點解咁癲？ 原因係墨西哥軍隊聯同美國（暫時未知係DEA緝毒局還是美軍）响2月22號嘅圍捕行動中，殺咗綽號叫“El Mencho”嘅首領，佢係美國國務院最高懸賞嘅國際毒犯之一（之前由1000萬加到1500萬美金），根據報導講，本來行動係想活捉，但因為軍隊遇到武裝反抗，期間El Mencho重傷，用直升機送院途中死咗。 El Mencho嘅CJNG有幾勁 如果大家覺得太子集團犯罪集團過千億資產已經好誇張，2025年專家估計CJNG由犯毒同偷運石油所得嘅資產最保守都超過300幾億美金，而最大嘅分別除咗El Mencho好似電影中嘅南美毒犯咁殘暴之外，佢更係改變咗近代墨西哥毒犯嘅形態，唔再剩係靠貪污受政府官員、警察同軍隊包庇，而係重金建立自己嘅武裝組織自衛。講嘅唔係以往一般攞住支槍嗰種，而係有專業裝備有裝甲車